I Avropa Oyunları idmançılar üçün olduqca vacibdir, çünki iri yarışlarda iştirak təcrübəsi qazandırır. Bunu Trend-ə rusiyalı atıcı Nazar Luqinets deyib. 

Onun sözlərinə görə, Avropada belə yarışları keçirmək ideyası çoxdan var idi: "Belə irimiqyaslı yarışlar idmançılar üçün olduqca vacibdir, çünki iştirak təcrübəsi qazandırır".

N.Luqinets əlavə edib ki, Bakı Atıcılıq Mərkəzi idmançılar üçün çox rahatdır: "Pnevmatik tiri olduqca idealdır. Fikrimcə, dünyada ondan yaxşısı yoxdur. Onunla yalnız Pekində 2008-ci il olimpiadası üçün tikilmiş mərkəz müqayisə edilə bilər".

Aktual.az