Qadınlara ayaqları uzun göstərməyin 7 yolu
Bir çox qadınların arzusu Uma Turman, Mariya Şarapova, Nikol Kidman kimi uzun ayaqlara sahib olmaqdır. Reallıqsa başqadır... Redaksiyamızın hazırladığı ipucları ayaqlarının daha uzun görünməsini istəyən qadınlar üçün əsl tapıntı olacaq.
Bej rəng ayaqqabı geyinin
Artıq bir müddətdir ki, qadınlar qara rəng əvəzinə bej rəngli ayaqqabılara üstünlük verirlər. Asan kombinasiya edilən, əksər paltarlarla rahat uyğunlaşan bej rəng ayaqqabı tapmaq çətin deyil. Ən əsası ayaqqabının dəri rənginə ən yaxın tonda olmasıdır. Məqsəd ayaqla ayaqqabı rəngini bərabərləşdirməkdir. Hündürdabanlı olmağı vacib deyil, babet, səndəl də məqsədəuyğundur.
"Bronzer"dən istifadə edin
Tez-tez mini ətək və şort geyinirsinizsə, ayaqlarınızı uzun göstərmək üçün Bronzer (bronzlaşdırıcı) istifadə edin. Bronzerlə yüngülcə parıldadılmış ayaqlar daha uzun görünür. Digər bir çıxış yolu ayaqlarınıza bronz rəngli göz teni əlavə edilmiş nəmləndirici krem ola bilər.
Şalvar/Corab və ayaqqabının rəngi eyni olsun
Ayaqqabı ilə şalvarın rəngini eyni seçmək vacib detallardan biridir. Qısa ətək seçdikdə belə, corabla ayaqqabının rəngi eyni olsun. Bu, ayaqları uzun göstərməyin ən populyar üsullarından biridir.
Enli balaq şalvarlar geyinin
Xüsusən platforma, yaxud hündürdabanlı ayaqqabılarla enli balaq şalvarları qarderobunuzdan əskik etməyin. Şalvarın ətəyinin ayaqqabını və topuğu tam gizlətməsinə diqqət yetirin.
Tünd çalarlara üstünlük verin
Açıq rənglərin ayaqlarınızı olduğundan daha qalın, dolayısı ilə daha qısa göstərəcəyini bilməlisiniz. Ona görə də tünd rəng şalvar, tight, skinnilərdən bol-bol istifadə edin.
Beli yüksək paltarlar alın
İstər şalvar olsun, istər ətək, çalışın beli yüksək olsun. Sevindirici haldır ki, bu il beli yüksək paltarlar dəbdədir və hər yerdən rahatlıqla almaq mümkündür.
Assimmetriyadan faydalanın
Assimmetrik geyimlər gözü yanıldaraq ayaqları daha uzun göstərir. Önü qısa, arxası uzun, ya da yandan assimmetrik detallı ətəklərə və paltarlara üstünlük verin. Hündürdaban ayaqqabı ilə də ayaqların yüksək görünmə effektini artırmaq olar.
