Hacıqabul rayonunda qadın özünü yandırmaqla intihara cəhd edib.

Aktual.az Anspress-ə istinadən xəbər verir ki, rayon sakini Püstəxanım Kərimova özünü həyatına qəsd etmək istəyib.

Qadın bədənin 90 faizinin termik yanığı, yanıq şoku ilə ağır vəziyyətdə Şirvan Şəhər xəstəxanasına yerləşdirilib. Tibb ocağının reanimasiya şöbəsindən bildirilir ki, xəstənin sol döş qəfəsi nahiyəsində kəsilmiş-deşilmiş yara da aşkar edlib.

Hazırda həkimlər xəstənin vəziyyətini kritik qiymətləndirir. Hadisənin hansı səbəbdən baş verməsi hələlik müəyyən edilməyib. Faktla bağlı Hacıqabul prokurorluğunda araşdırma aparılır.