Aktual.az Oxu.Az- istinadən  xəbər verir ki, BBC-nin Özbəkistan xidmətinə verdiyi müsahibədə o, bu xəbəri şayiə adlandırıb. 

23 yaşlı İslam Kərimov qeyd edib ki, onun anası sağdır və 2014-cü ilin fevralından bu yana saxlanıldığı evdədir. İslam bacısı İman Kərimovanın da ev dustaqlığında olduğunu və ölkəni tərk edə bilmədiyini deyib. O, özü isə Londondadır. 

Noyabrın 22-də "Senter-1” saytı Özbəkistanın Milli Təhlükəsizlik Xidmətindəki mənbəyə istinadən mərhum prezidentin qızının ölüm xəbəri barədə məlumat yaymışdı. Məlumata görə, qadın noyabrın 5-də zəhərlənmədən ölüb və "Minor” qəbirstanlığında dəfn edilib. Mənbə dəfndə şəxsən iştirak etdiyini bildirib. Jurnalistlər respublika hakimiyyətinə mərhum prezidentin qızının taleyi və yerləşdiyi məkan barədə sorğu göndəriblər. Hələlik sorğuya cavab yoxdur.