Tanınmış stilist Anar Ağakişiyevin ifaçı Günay İbrahimlinin bəzəməsi əməlli-başlı rezonans doğurub.

Aparıcı Nanə Ağamalıyeva sosial şəbəkədə öz fotosunu paylaşaraq, sözügedən stildə 5 ay öncə stilist Elnur Həsənovun onu bəzədiyini vurğulayıb və stilist Anar Ağakişiyevin həmkarını təkrarladığına gizli eyham vurub. Bu məsələ ilk olaraq big.az-da gündəmə gətirilib.

Aktual.az xəbər verir ki, stilist Anar Ağakişiyev big.az-a-a özəl açıqlamasında maraqlı məqamlara toxunub.

A.Ağakişiyev öncə bildirib ki, aparıcı Nanə Ağamalıyevanın sosial şəbəkədəki paylaşımı düzgün tarixi əks etdirmir. Stilist Elnur Həsənov onu mart ayında bəzəyib, Nanə isə 5 ay öncə bu stildə bəzənildiyini vurğulayır. A.Ağakişiyev faktlarla bunu sübuta yetirib.

Stilist A. Ağakişiyevin sözlərinə görə, bu makiyaj və saç stili, üstəlik dodaq boyasının rəngi ilk dəfə ona məxsus olub və ilk dəfə 2015-ci ilin dekabr ayında N.Ağamalıyevanı o bəzəyib. Və ondan sonra da bir neçə dəfə bu "make-up"a müraciət edənlər olub:

Stilistin sözlərinə görə, həmkarı Elnur Həsənov onu təkrarlayıb və aparıcı Nanə Ağamalıyeva da bunu yanlış faktlarla izləyiciləri ilə bölüşüb:

"Aparıcısansa, aparıcılığını et. Müğənnisənsə, müğənniliyini et. "Ay qəza keçirmişəm", "ay ölmüşəm" xəbərləri ilə özünü gündəmdə saxlayırsan. Amma bu piar ilə sən ancaq izləyici, tamaşaçıları aldada bilərsən. Necə ki aldadırsan... Amma özün-özünü aldada bilməzsən. Mən öz işimi faktla sübut edirəm. Yanvarın 23-ü mən bu stildə N.Ağamalıyevanı bəzəmişəm. Kim kimi təkrarlayıb, görəsən? Nanə getsin yenə qəzaya düşsün, özünü reklam etsin. Mənimlə işi olmasın".

// Aktual.az