Gənclər və İdman Nazirliyinin Aparat rəhbəri təyin edilib.
Aktual.az Apa-ya istinadən xəbər verir ki, Gənclər və İdman naziri Azad Rəhimovun əmri ilə Gənclər və İdman Nazirliyində İqtisadiyyat şöbəsinin müdir müavini Rüfət Həsənov nazirliyin Aparat rəhbəri təyin edilib.
R. Həsənov bu gün nazirliyin kollegiya iclasında kollektivə təqdim olunub.
Qeyd edək ki, bundan əvvəl Gənclər və İdman Nazirliyinin Aparat rəhbəri olan Fuad Hacıyev Azərbaycan prezidenti İlham Əliyevin 23 dekabr 2015-ci il tarixli sərəncamı ilə Azərbaycan Dövlət Bədən Tərbiyəsi və İdman Akademiyasının rektoru təyin edilib.
