Millət vəkili Qənirə Paşayeva Tovuzda kənd sakinləri ilə görüşüb,qayğı və problemləri ilə maraqlanıb və onlara xahişlərini hökümətə çatdıracağına söz verib.
Millət vəkili Qənirə Paşayeva Tovuzda rayonun ən böyük kəndlərindən olan Düz Qırıqlıda kənd sakinləri ilə görüşüb, qayğı və problemləri ilə maraqlanıb. Bir çox xəstələrlə görüşən millət vəkili onların müalicələri ilə maraqlanıb. Sakinlər əsasən ünvanlı sosial yardım, kəndarası yollar, ən əsasda əkin suvarması suyu ilə bağlı təhcizatın daha da yaxşılaşdırılması, yeni artezian quyularına böyük ehtiyac və bölgədə həyata keçirilməsi nəzərdə tutulan layihələr ilə bağlı öz təklif və fikirlərini bildiriblər, müzakirərlər aparıblar. Millət vəkili Qənirə Paşayeva bildirib ki, Tovuzun ən böyük məktəblərindən biri olan Düzqırıqlı kənd orta məktəbinin yüksək səviyyədə əsaslı təmir olunması ilə bağlı Dövlət rəhbərliyinin dəstəyi və qayğısı nəticəsində işlər yüksək səviyyədə həyata keçirilir və sentyabr ayında müəllim və şagirdlərimiz müasir və gözəl bir məktəbdəm dərs ilinə başlayacaqlar.
Kəndin bəzi yerlərinə əlavə içməli su xətlərinin çəkilməsi ilə bağlı “Azərsu” rəhbərliyinə kənd sakinlərinin xahişini şəxsən çatdıraraq müraciət etdiyini deyən Qənirə Paşayeva artıq su ilə bağlı ciddi ehtiyac olan yerlərin bəzilərinin problemlərinin həll olunduğunu və bu istiqamətdə işlətin davam edəcəyini bildirib. Tovuzda əhali əsasən kənd təsərrüfatı ilə məşğul olur və əkinlərinin zamanında suvarıla bilməsi onlar üçün ən əsas məsələdir. Ötən ilin yayının quraqlıq olduğunu və insanların əkin sahələrinin suvarılmasından böyük əziyyət çəkdiyinin şahidi olduğunu deyən millət vəkili Qənirə Paşayeva sakinlərin bu məsələ ilə bağlı narahatlığını çox yaxşı anladığını və hökumətin hesabatı zamanı da bu məsələni qaldıraraq müvafiq dövlət qurumlarından xahiş etdiyini deyib. Cənab Prezidentimiz tərəfindən bu ilin Kənd Təsərrüfatı ili elan olunduğunu diqqət çəkən millət vəkili Qənirə Paşayeva dövlətin bu istiqamətdə insanlara dəstəyinin daha da artacağını deyib. Kəndlərdə yeni artezian quyularının qazılması xahişi ilə bir millət vəkili olaraq Su və Meliorasiya naziri Əhməd Əhmədzadəyə müraciət etdiyini və Tovuzda son bir neçə ildə xeyli sayda artezian quyularının qazıldığını, amma yenə də təlabatın çox olduğunu deyən millət vəkili Qənirə Paşayeva Su və Meliorasiya naziri Əhməd Əhmədzadə ilə bu məsələ ilə bağlı söhbət etdiyini,bu məsələni onun diqqətinə çatdıraraq sakinlər və öz adından xahiş etdiyini deyib və bildirib ki, Bakıya döndükdən sonra nazirdən bu məsələnin qısa zamanda həlli üçün yenidən xahiş edəcək.
Millət vəkili bir sıra vətəndaşları tək-tək dinləyərək, onları narahat edən problemlərlə də bağlı qeydlər apararaq, həll edilməsi istiqamətində köməklik göstərilməsinə çalışacağını bildirib. Seçiciləri ilə görüşdə millət vəkili Qənirə Paşayeva Milli Məclisdə qəbul olunan qərar və qanunlardan, qanunlara edilən əlavə və dəyişikliklərdən də danışıb, sualları cavablandırıb. Millət vəkili Qənirə Paşayeva kənd sakinlərini mənzillərini sığortalamağa və uşaqların təhsilə daha da ciddi önəm verməyə də çağırıb.
