Fransanın "Lans" klubu futbolçusu Abdulla Zubirin "Qarabağ"a transferini təsdiqləyib.
"Report"un klubun saytına istinadən verdiyi məlumata görə, Fransa təmsilçisi 27 yaşlı hücumameyilli yarımmüdafiəçinin keçidi üçün Ağdam təmsilçisi ilə razılığa gəldiyini bəyan edib. "Lans" klubu oyunçuya gələcək karyerasında uğurlar arzulayıb.
Qeyd edək ki, Fransa mətbuatı bu transfer üçün "Qarabağ" klubunun 1 milyon avro ödəyəcəyini yazıb.
