Aktual.az  El TV-yə (Region TV) istinadən xəbər verir ki, Kürdəmirdə də 20 Yanvar faciəsinin qurbanları anılıb.

İctimaiyyət nümayəndələri abidə kompleksinə gələrək önünə əklil və tər qərənfillər düzüblər. 20 Yanvar faciəsinin xalqımızın tarixinə həm faciəli, həm də qəhrəmanlıq səhifəsi kimi yazıldığı bildirilib. Məktəblilərin ifasında ədəbi-bədii kompozisiya nümayiş etdirilib. Şagirdlər vətənə, torpağa həsr olunan şeirlər səsləndiriblər. Daha sonra ictimaiyyət nümayəndələri Şəhidlər xiyabanına gələrək torpaqlarımızın azadlığı uğrunda şəhid olan Azərbaycan oğullarının məzarları önünə güllər düzüblər. Faciə qurbanları rayonun kəndlərində də anılıb.