Xəbər verdiyimiz kimi, ötən gün Ermənistanın Azərbaycanla sərhədində meşə ərazisində yanğın baş verib.
Aktual.az xəbər verir ki, yanğının necə baş verməsi ilə bağlı maraqlı detal ortaya çıxıb.
Belə ki, 2020-ci ildə baş verən müharibə dönəmində ermənilərin "informasiya savaşında” aktiv iştirak edən Artur Ayvazyan adlı şəxs yanğından bir neçə saat əvvəl Feysbuk hesabında sərhəddə böyük yanğın olacağı ilə bağlı məlumat paylaşıb. O, sonradan bu postu silsə də, əslində yanğının ermənilər tərəfindən qəsdən törədildiyini sübut etmiş olub.
Xüsusilə qeyd edək ki, ötən gün yayılan məlumatlarda da qeyd olunurdu ki, külək Azərbaycan tərəfdən əsdiyi üçün yanğın Gorusa doğru genişlənib.