Ermənistan Macarıstanla iqtisadi əməkdaşlıq müqaviləsi imzalamağa hazırlaşır.
Aktual.az xəbər verir ki, bu barədə Ermənistan mətbuatı məlumat yayıb.
Məlumata görə, sənəd ticarət, əczaçılıq, turizm, nəqliyyat və digər sənaye sahələrində ikitərəfli əlaqələrin inkişafına yönəlib. İqtisadi məsələlər üzrə birgə komissiyanın yaradılması da nəzərdə tutulub.
Qeyd olunur ki, İqtisadiyyat Nazirliyinin sazişin imzalanması ilə bağlı təklifi Ermənistan hökumətinin iclasında bəyənilib.