Türkiyə prezidenti Rəcəb Tayyib Ərdoğan ölkədə vəziyyəti və PKK terror təşkilatının fəallığını müzakirə etmək üçün bu gün Milli Kəşfiyyat Xidmətinin rəhbəri Hakan Fidan ilə görüşəcək.
Aktual.az Oxu.az-a istinadən xəbər verir ki, Ərdoğan, həmçinin baş nazir Əhməd Davudoğlu və Türkiyə HQ Baş Qərərgahının rəhbəri Hulusi Akar ilə də görüşəcək.
Son aylarda Türkiyənin cənubi-şərqində PKK yaraqlılarının hərbi hissələrə və polis bölmələrinə hücumlarının sayı artıb.
2015-ci ildə PKK ilə toqquşmalar nəticəsində Türkiyədə 200-dən çox hərbçi həlak olub.
