Bu günlərdə Cenevrədə Beynəlxalq Miqrasiya Təşkilatının tədbiri keçirilib.

Milli.Az Trend-ə istinadən bildirir ki, "Baku Network" ekspert şurasından verilən məlumata görə, tədbirdə sonuncu miqrasiya prosesləri barədə məlumatlar təqdim edilib.

Təşkilatın məlumatına əsasən, 2015-ci ildə 1 milyon 4 min 365 miqrant və qaçqın Aralıq dənizi vasitəsilə Avropaya gəlib. 2014-cü ildə bu rəqəm 219 min nəfər olub.

Suriyadan əsas qaçqın axını Yunanıstana gəlir. Ötən il həmin ölkəyə təqribən 850 min miqrant gəlib. Təşkilatın məlumatına əsasən, suriyalı miqrantlar, Suriyada vətəndaş müharibəsinin qurbanları arasında 9 Ermənistan vətəndaşı da olub. Məlumatlar iraqlı qaçqınlar adı altında Avropaya gələn ermənilər üzrə statistikanı əks etdirmir.