“Avropa Oyunlarının açılış mərasimi çox möhtəşəm idi. Bu gün bizim üçün bayramdır”. 

Bunu AzVision.az-a açıqlamasında Azərbaycanın ilk olimpiya çempionu Nazim Hüseynov deyib.

Dünya şöhrətli idmançımız açılış mərasimini həyat yoldaşı ilə birgə izlədiyini bildirib.

Olimpiya çempionu I Avropa Oyunlarında cüdoçularımızın uğur qazanacağına əmin olduğunu söyləyib.

“60 kiloqram çəki dərəcəsində ölkəmizi təmsil edəcək idmançılar İlqar Müşkiyevdən və Orxan Səfərovdan nəticə gözləyirəm. 73 kiloqramda Rüstəm Orucovdan, ağır çəkidə çıxış edəcək Elmar Qasımov və Elxan Məmmədovdan nəticə gözləyirəm. İnanıram ki, onlar qızıl medal qazana biləcəklər. Bütün idmançılarımıza uğurlar arzu edirəm”.

Aktual.az