Oktyabrın 16-da deputatlığa namizəd Əhməd Şahidov Qax rayonunun Güllük kəndində yerli sakinlərlə görüşüb. 100-ə yaxın Güllük kənd sakininin iştirak etdiyi görüşdə deputatlığa namizəd Əhməd Şahidov Qax rayonunun qayğıları, Güllük kəndinin çətinlikləri barədə geniş danışıb və kənd sakinlərinin də öz problemlərini açıq şəkildə dilə gətirməsini istəyib.
Əhməd Şahidovla söhbət zamanı kəndin problemlərini səsləndirən Güllük sakinləri yolların bərbad vəziyyətindən, işıq, qaz və su problemindən, habelə qəzalı şəraitdə olan evlərin durumundan danışıblar.
