Bu gün ADA Universitetində rektor dəyərli ziyalı Hafiz Paşayevin gözəl təqdimatından sonra qardaş Türkiyənin baş naziri Əhməd Davudoğlunun çox maraqlı və əhatəli bir çıxışı oldu. Can Azərbaycan sözləri ilə başlayan, biz Heydər Əliyevin dediyi kimi 1 millət 2 dövlətik sözləri ilə davam edən çıxışında Türkiyədən 78 milyon qardaş-bacılarınızın sizə salamı var deyən baş nazir Əhməd Davudoğlu Dağlıq Qarabağ məsələsində Türkiyənin hər zaman Azərbaycanın yanında olacağını vurğulayaraq Ermənistana Bakıdan məsajla da səsləndi. Gərginləşən Türkiyə-Rusiya münasibətləri, Suriya türkmənlərinin vəziyyəti və bir sıra regional və qlobal məsələlərlə bağlı açıq məsajlarla zəngin bir çıxış oldu.
Çıxışdan sonra hörmətli Hafiz müəllimin iştirakı ilə Əhməd Davidoğlu ilə qısa bir görüşümüz və söhbətimiz oldu.Baş nazir, sayın Əhməd Davudoğluna bizim də Türkiyədəki 78 milyon insana,qardaş-bacılarımıza məsajlarımızı çatdırmasını istədik,xahiş etdik:" Türkiyədəki qardaş-bacılarımız bilsinlər ki, Türkiyə sərhədlərindən kənarda lazım gələrsə qardaş Türkiyə üçün canını belə qurban verməyə hazır milyonlarla Türk insanı var. Hər zaman Türkiyənin yanındayıq.
Çünki Azərbaycanımızla yanaşı qardaş Türkiyə də bizim üçün Vətəndir. Biz Çanaqqqalada şəhid olan Azərbaycan Türklərinin, Azərbaycanın çətin günlərində dəstəyə gələn Nuri Paşa başkanlığında Türk Qafqaz İslam Ordusu üzvlərinin, burada şəhid olan Anadolu türklərinin nəvələriyik. Hər zaman qardaş Türkiyənin yanındayıq. Sevinciniz sevincimiz, kədəriniz kədərimizdir. Hər zaman Azərbaycanla bərabər Türkiyənin də güclənməsini istəyir və dua edirik.
Çünki biz birlikdə bu çoğrafiyada üzüntü, kədər içində yaşayan, müxtəlif dövlətlərin ərazisində yaşayan milyonlarla qardaş-bacılarımız üçün ümid, pənah qapısıyıq. " Baş nazir Əhməd Davidoğlu ilə Qarabağ məsələsi və Suriya türkmənləri ilə də bağlı qısa söhbətimiz oldu. Azərbaycana səfərindən, cənab Prezidentimiz İlham Əliyevlə görüşündən böyük məmunluqla danışan Baş Nazir Əhməd Davidoğlu ilə söhbətimizin son fikirləri də elə cənab Prezidentimizin Türkiyənin gücü Azərbaycanın Azərbaycanın gücü Türkiyənin güçüdür düşüncəsi ilə bitdi.
Və gənc nəsillərimizin məhz bu ruhda yetişməli olduğunu da vurğuladıq. Bir sıra mövzular ətrafında maraqlı fikir mübadiləsi oldu. Baş nazirin dəyərli xanımı Sare Davutoğlu ilə də maraqlı söhbətimiz oldu. İnşallah bölgədə son günlər yaşanan gərginlik yavaş-yavaş azalar. Azərbaycan-Türkiyə münasibətləri isə Baş nazirin də söylədiyi kimi dünyada analoqu olmayan münasibətlərdir. 1 millət, 2 dövlət! Allah hər zaman Azərbaycanımızı,Türkiyəmizi qorusun, birlik və bərabərliyimizi daha da gücləndirsin!
