Madridin "Real" klubu rəsmi saytından İker Kasillasın klubdan ayrıldığını bildirib. Aktual.az Apasport.az-a istinadən bildirir ki, 34 yaşlı futbolçu “Porto” ilə anlaşıb.
1998-ci ildən “kral klubu”nda çıxış edən Kasillas 17 il ərzində 5 dəfə İspaniya çempionu, 2 dəfə Kral kuboku və bir o qədər də ölkə Super kubokunu qazanıb.
Əlavə olaraq əfsanəvi qapıçı “Real Madrid”lə 3 dəfə Çempionlar Liqasının və bir dəfə də Avropa Super Kubokunun qalibi olub.
34 yaşlı qapıçı İspaniya milli komandası ilə 2 dəfə Avropa (2008, 2012) və 1 dəfə də Dünya Çempionu (2010) olub.
