Milli Məclisdə təmsil olunmayan siyasi partiyalara da dövlət maliyyə yardımı ayıracaq.
 
Aktual.az  xəbər verir ki, bu barədə "Siyasi partiyalar haqqında” qanun layihəsinin yenilənmiş variantında qeyd edilib.
 
Qanun layihəsinin siyasi partiyaya dövlət maliyyə yardımı ilə bağlı maddədə qeyd edilir ki, vəsaitin 2,5 faizi irəli sürdüyü namizədlər Azərbaycan Respublikasının Milli Məclisinə keçirilmiş seçkilərdə etibarlı səslər qazanmış, lakin Azərbaycan Respublikasının Milli Məclisində təmsil olunmayan siyasi partiyalar arasında bərabər bölünür;
 
Bu Qanunun 25.2.4-cü və 25.2.5-ci maddələrinə uyğun olaraq siyasi partiyaya ayrılan illik dövlət maliyyə yardımının yuxarı həddi həmin partiyanın bu Qanunun 27-ci maddəsinə əsasən təqdim etdiyi maliyyə hesabatında göstərilən illik daxilolmalarının (dövlət maliyyə yardımı çərçivəsində ayrılmış vəsait nəzərə alınmadan) iki mislindən çox ola bilməz.