Daxili İşlər Nazirliyi (DİN) bu gün keçiriləcək “Qarabağ”- “Tottenhem” oyunu ilə əlaqədar Tofiq Bəhramov adına Respublika stadionunu nəzarətə götürüb.

Aktual.az AzVision.az-a istinadən xəbər verir ki, Nazirliyin mətbuat xidmətinin rəis müavini Ehsan Zahidov bildirib ki, stadionda bütün təhlükəsizlik tədbirləri görülüb və oyun zamanı polis əməkdaşları tərəfindən asayişin pozulması hallarının qarşısı zamanında alınacaq.

“Stadionda zəruri olan bütün təhlükəsizlik tədbirləri görülüb. Oyun zamanı da həmin təhlükəsizlik tədbirləri davam etdiriləcək”-deyə DİN rəsmisi vurğulayıb.

“Qarabağ” (Azərbaycan) - “Tottenhem” (İngiltərə) qarşılaşması bu gün saat 22:00-da başlayacaq.

Qeyd edək ki, Parisdə baş verən dəhşətli terror hadisəsindən sonra dünyanın bir çox ölkələrində olduğu kimi Azərbaycanda da təhlükəsizlik məsələsi ön plana çıxıb