Daxili İşlər Nazirliyi Zaqatalada baş vermiş silahlı insidentlə bağlı məlumat yayıb.
Aktual.az DİN-in rəsmi saytına istinadən xəbər verir ki, iyulun 28-də əvvəllər məhkum olunmuş rayon sakini Sərxan Kərimov Ağakişi Həzrəyevə avtomat silahdan atəş açaraq xəsarət yetirib.
Zaqatala RPŞ əməkdaşlarının həyata keçirdikləri əməliyyat-axtarış tədbirləri nəticəsində Sərxan Kərimov tutulub.
Ondan hadisəni törədərkən istifadə etdiyi “AK-74” silahı, 12 ədəd patron, 6 ədəd giliz və 1 ədəd patron darağı götürülüb.
