VII çağırış Milli Məclisin deputatlarına köməkçilər təyin olunub.
Aktual.az xəbər verir ki, deputat köməkçilərinin dövlət qulluqçusu statusu yoxdur və onların səlahiyyət müddətinə yeni çağırış Milli Məclisin ilk iclas günü xitam verilir.
Qeyd edək ki, deputat köməkçisi institutu ölkəmizdə yeni təsisatlardandır və 2007-cı ilin fevralında yaradılıb.
Deputat köməkçiləri ayda 1200 manat maaş alırlar.
Deputat köməkçisinin təyinatı "Deputatın statusu haqqında” Qanunun tələblərindən irəli gəlir.
Bu qanunun 21-1-ci maddəsində deyilir:
– Deputatın fəaliyyətinin təmin edilməsi məqsədilə onun köməkçiləri ola bilər.
– Deputatın köməkçiləri Azərbaycan Respublikasının dövlət büdcəsi hesabına saxlanılır.
– Deputatın köməkçisinin işə qəbulu Azərbaycan Respublikasının əmək qanunvericiliyi ilə tənzimlənir.
– Deputatın köməkçisinə aid əlavə tələblər Azərbaycan Respublikası Milli Məclisi sədrinin sərəncamı ilə müəyyən edilir.