İngiltərəli elm adamları soya lobyasının daha bir faydasını üzə çıxarıblar.

Aktual.az Publika.az-a istinadən xəbər verir ki, bu paxlalı bitkinin sümük əriməsinə çarə ola biləcəyi açıqlanıb.

Alimlərin sözlərinə görə, soya lobyası qadınlarda klimaks dövründə müşahidə edilən sümüklərin zəifləməsi problemini aradan qaldırır.

Buna səbəb soya lobyasının estrogen hormonuna bənzər kimyəvi maddələr ehtiva etməsidir. Sümük sağlamlığı üçün çox əhəmiyyətli olduğunu və klimaks dövründə səviyyəsinin aşağı düşdüyünü nəzərə alsaq, bu bitkinin dəyərini anlaya bilərik.