Bu gün Azərbaycan-Ermənistan qoşunlarının təmas xəttində baş vermiş son hərbi əməliyyatlar zamanı ölmüş daha bir erməni hərbçisinin meyiti qarşı tərəfə təhvil verilib.
Aktual.az-ın məlumatına görə, meyiti təhvil verilən hərbçi aprelin 11-də Azərbaycan hərbçilərinin nəzarətində olan ərazidə aparılan axtarış zamanı tapılıb. Prosesdə ATƏT-in və Beynəlxalq Qızıl Xaç Komitəsinin nümayəndələri iştirak edib.
Təhvil vermə prosesi Ağdamın Baş Qərvənd kəndi ərazisində baş tutub.
