Ermənistan, Rusiya və Azərbaycanın baş nazir müavinlərinin rəhbərlik etdiyi üçtərəfli işçi qrupu çərçivəsində iki məsələ üzrə yekun anlaşma əldə olunub.
Aktual.az xəbər verir ki, bu barədə Ermənistan Baş nazirinin müavini Mger Qriqoryan məlumat verib.
Onun sözlərinə görə, Arazdəyən-Meğri-Horadiz yolu kommunikasiyaların açılması çərçivəsində ilk layihə ola bilər:
"Düşünürəm ki, bu, vacibdir. Çünki bu halda hansı marşrutdan söhbət getdiyi aydın olur. Bütün tərəflər belə fikirdədirlər ki, hazırkı mərhələdə bu, region ölkələri üçün ilk mümkün razılaşma və yaxşı həll yolu ola bilər.
Qarşılıqlı anlaşma var ki, yüklərə nəzarət onların keçdiyi ölkələrin suverenliyi əsasında aparılmalıdır. Bu məsələni Bakı ilə başqa formatda müzakirə etməyəcəyimizi dəfələrlə bildirmişik. Əgər müzakirələr olsa, bu, ən azı üçtərəfli format çərçivəsində baş tutacaq”.