Ümid edirəm ki, Donald Tramp ABŞ-da prezident seçkilərində qalib olacağı təqdirdə Ukraynaya yardımı dayandırmayacaq.
Aktual.az xəbər verir ki, bu barədə Ukrayna Prezidenti Vladimir Zelenski deyib.
O bildirib ki, yardımın dayandırılmasının mümkünlüyü ilə bağlı Trampdan hər hansı söz eşitməyib.
Buna baxmayaraq, Ukrayna lideri bütün riskləri nəzərə aldıqlarını bildirir:
"Söhbət Ukraynaya dəstəyin dayandırılmasından gedir. Bilirsiniz, əgər bu baş versə, Putinin böyük qələbəsi demək olacaq. Qərb üçün isə demokratik və azadlıq baxımından böyük itki olacaq. Düşünmürəm ki, Tramp prezident olacağı təqdirdə həqiqətən də Ukraynaya yardımı dayandıracaq”.