Mübarək Ramazan ayını yaşamaqdayıq. Bu Müqəddəs ay ilə bağlı çox sayda suallar daxil olur. Onların böyük hissəsi də bu il əhya gecələrinin hansı tarixə təsadüf etməsi ilə əlaqəlidir.

Aktual.az islam.az-a istinadən bildirir ki, ehtimal edilən əhya (Qədr) gecələri Ramazan ayının 19, 21 və 23-ü gecələridir. 2016-cı ildə bu gecələr iyunun 24-dən 25-nə, 26-dan 27-nə və 28-dən 29-na keçən gecələrdir. Bu gecələrdə hansı əməllərin yerinə yetirilməsinə gəldikdə isə, həmin gecələr ərəfəsində saytımızın ana səhifəsində bu barədə ətraflı məlumat təqdim ediləcək.

Qeyd edək ki, əhli-sünnəyə görə Qədr gecəsi Ramazanın 27-ci gecəsidir və (nəzərə alsaq ki, əhli-sünnə bu il Ramazan ayını iyunun 6-dan başlayıb) bu il həmin gecə iyulun 1-dən 2-nə keçən gecəyə təsadüf edir.