Maliyyə Bazarlarına Nəzarət Palatasının (MBNP) açıqladığı statistik məlumatlarda bildirilir ki, yanvar ayından mayın 1-dək bankların ümumilikdə 9 filialı fəaliyyətini dayandırıb.

Belə ki, əgər bu ilin yanvarın 1-nə ölkədə bankların filiallarının sayı 569 olubsa, aprelin sonunda bu göstərici 560-a qədər azalıb.

Bundan fərqli olaraq, hesabat dövründə bank şöbələrinin sayında cüzi artım qeydə alınıb. Əgər bu ilin yanvarın 1-dək 131 bank şöbəsi fəaliyyət göstəribsə, apreldə şöbələrin sayı 140-a yüksəlib.

Hesabat dövründə bankomatların sayında da artım qeydə alınıb. Belə ki, son dörd ayda ATM-lərin sayı 32 ədəd artaraq 2493-ə yüksəlib.

Qeyd edək ki, cari ilin 4 ayında ölkədə 32 bank fəaliyyət göstərib.