Bu gün Azərbaycan Aşıqlar Birliyinin mərhum sədri, Xalq şairi Zəlimxan Yaqubun yerinə yeni sədr seçiləcək.

Aktual.az AzNews.az-a istinadən xəbər verir ki, bu barədə Mədəniyyət və Turizm Nazirliyinin mədəni siyasət şöbəsinin müdiri Fikrət Babayev məlumat verib. Onun sözlərinə görə, tədbir saat 12:00-da Aşıqlar Birliyində baş tutacaq.

Qeyd edək ki, Zəlimxan Yaqub 2008-ci il avqust ayının 29-da Azərbaycan Aşıqlarının V Qurultayında Azərbaycan Aşıqlar Birliyinin sədri seçilib. O, 2016-cı il yanvarın 9-da dünyasını dəyişib.