Bakıda İran Kinosu Günləri keçiriləcək.

Aktual.az AzNews.az-a istinadən xəbər verir ki, bu barədə  Mədəniyyət və Turizm Nazirliyindən məlumat verilib. Kino günləri 14-17 may 2016-cı il tarixində Azərbaycan Mədəniyyət və Turizm Nazirliyi və İran İslam Respublikasının Azərbaycandakı Səfirliyinin Mədəniyyət Mərkəzinin birgə təşkilatçılığı ilə Nazami Kino Mərkəzində baş tutacaq.

Tədbir Azərbaycan və İran arasındakı mədəni əlaqələri möhkəmləndirmək məqsədi daşıyır. Kino Günləri çərçivəsində açılış günü 14 may saat 18:00-da “143-cü çuxur”, 15 may saat 19:00-da “Bir dişləm qənd”, 16 may saat 19:00-da “Bu gün”, 17 may saat 19:00-da isə “Nəqqaşlıq hovuzu” bədii filmləri tamaşaçılara təqdim olunacaq. 
Filmlərə giriş sərbəstdir.