Bakı şəhərinin Suraxanı rayonu ərazisində, Hövsan qəsəbəsində dəmir yolu xəttinin yaxınlığında inşa olunmuş bəzi yaşayış evlərinin söküləcəyi ilə bağlı məlumat yayılıb.
Aktual.az xəbər verir ki, sakinlərin sözlərinə görə, ərazi plana salınıb. Lakin onlar evlərin nə vaxt söküləcəyi və kompensasiya məsələsinin hansı qaydada həll ediləcəyi barədə rəsmi məlumat almadıqlarını deyirlər:
"Gəlib sadəcə ölçüb gedirlər. İşlərin aprel ayından sonra başlanacağını deyirlər. Başqa heç bir məlumatımız yoxdur”.
Məsələ ilə bağlı Azərbaycan Dəmir Yolları QSC-dən bildirilib ki, hazırda həmin ərazidə layihələndirmə prosesi davam edir.