Yaxın gələcəkdə əsl tanker böhranı baş verə bilər. Amma bunun ABŞ-la əlaqəsi olmayacaq.
Aktual.az xəbər verir ki, bunu rusiyalı politoloq Sergey Markov deyib.
"ABŞ Rusiya bayrağı altında üzən tankerləri, əsasən Venesuela nefti daşıyan tankerləri həbs edə bilər. Lakin Britaniya indi gizli şəkildə Rusiya nefti daşıyan tankerləri həbs etməyi planlaşdırır. BBC yazır ki, Britaniya hakimiyyəti "kölgə donanması”na qarşı bu pirat hücumlarını kvazi-hüquqi şəkildə sənədləşdirməyə imkan verən qanuni bir hiylə hazırlayıb. Buna görə də əslində Rusiya Trampın tankeri həbs etməsinə reaksiya barədə düşünməməlidir. Əksinə, Britaniya və Baltikyanı geosiyasi xuliqanlar barədə düşünməlidir. Onlar hazırda bu planları hazırlayır və Trampın tankerləri həbs etməsini özləri üçün faydalı bir presedent kimi görür. Britaniyanın pirat hücumlarına necə cavab vermək olar? Yəqin ki, Trampla olan hadisədən daha sərt”, - o bildirib.