Avropa diplomatiyasının rəhbəri Jozep Borrell Avropa İttifaqının (Aİ) 27 ölkəsinin hökumətlərinə İsrailin milli təhlükəsizlik naziri İtamar Ben-Qvir və maliyyə naziri Bezalel Smotriçə qarşı sanksiyaların tətbiq edilməsi təklifini təqdim edib.
Aktual.az TASS-a istinadən xəbər verir ki, bu barədə DPA agentliyi yazıb.
Məlumata görə, siyasətçilər son zamanlar fələstinlilər əleyhinə verdikləri açıqlamalarla hiddətə səbəb olublar. Borrelin təklifinə əsasən, Smotriç və Ben-Qvirə nifrətin qızışdırılması və insan hüquqlarının pozulmasına görə sanksiyalar tətbiq oluna bilər. Bundan başqa, nazirlərin Aİ-dəki aktivləri də dondurulmalı və onların Aİ-yə daxil olmasına icazə verilməməlidir.
Qeyd olunub ki, sözügedən təklifin həyata keçirilib-keçirilməyəcəyi hələ bəlli deyil.