ABŞ-ın Çikaqo şəhərində (İllinoys ştatı) ikisi uşaq olmaqla, bir ailənin 6 üzvü qətlə yetirilib.

Aktual.az-ın APA-ya istinadən verdiyi məlumata görə, polis fərdi evdə öldürülmüş iki kişi, iki qadının və təxminən 10-12 yaşlı 2 uşağın meyitini tapıb.

İlkin versiyaya əsasən, ölənlərə çoxsaylı bıçaq və ağır əşya ilə zərbələr endirilib.

Ad və soyadları açıqlanmayan ailə 10 il əvvəl Meksikadan Çikaqoya köçüb. Ailənin kriminal aləmlə əlaqəsinin olmadığı vurğulanır.