Bakıda keçiriləcək Formula-1 yarışı ilə əlaqədar olaraq Bakının bəzi məktəblərində "Son zəng" tədbirlərinin vaxtı dəyişdirilib. Bu, Təhsil Nazirliyinin razılığı ilə olub.
Aktual.az xəbər verir ki, Bakı şəhəri üzrə Təhsil İdarəsi və Təshil Nazirliyindən APA-nın sorğusuna verilən cavabda bildirilib ki, bu gün “Son zəng” tədbiri Bakıdakı 160 nömrəli Klassik Gimnaziya, 6, 7 nömrəli tam orta məktəblər və 132-134 saylı təhsil kompleksində keçirilib.
Buna səbəb Bakı şəhərində keçiriləcək Formula 1 yarışı ilə bağlı iyunun 14-dən etibarən Bakı Şəhər Halqasının keçdiyi küçələrdə nəqliyyatın hərəkətinin tamamilə bağlanmasıdır.
