NATO respublikaya hücum edən kimi nüvə silahından istifadə olunacaq, bunu Rusiya Federasiyası da təsdiqləyir.
Aktual.az xəbər verir ki, bu sözləri Belarus Prezidenti Aleksandr Lukaşenko tələbələrlə görüşündə deyib.
"Belarusa hücum Üçüncü Dünya müharibəsi olacaq. Rusiya Prezidenti Vladimir Putin bu yaxınlarda nüvə doktrinasına düzəliş edərək bunu təsdiqlədi ki, Rusiya və Belarusa hücum olarsa, biz nüvə silahından istifadə edəcəyik”, - o bildirib.
Qeyd edək ki, Putin nüvə doktrinasına dəyişikliklə bağlı Təhlükəsizlik Şurasında məlumat verərkən, bu məsələlərin Belarus prezidenti ilə razılaşdırıldığını vurğulamışdı.