Bakının Xəzər rayonunda odlu silahdan açılan atəşlə polisi qətlə yetirən şəxs barəsində cinayət işi açılıb.
Aktual.az Trend-ə istinadən xəbər verir ki, bunu Baş Prokurorluğun mətbuat xidmətinin rəhbəri Eldar Sultanov deyib. Onun sözlərinə görə, faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Qeyd edək ki, ötən həftənin şənbə günü Xəzər rayonunun Qala qəsəbəsində yaşayan İ.Bəbirov öz evində Daxili İşlər Nazirliyinin Dəmir Yolu Nəqliyyatında Polis İdarəsinin əməkdaşı polis serjantı Malik Musa oğlu Muradovu ov tüfəngi ilə güllələyib. İ.Bəbirov bununla yanaşı evdə olan Nicat Canbala oğlu Şəbiyevi də bıçaqlayaraq hadisə yerindən qaçıb. Lakin Xəzər Rayon Polis İdarəsinin keçirdiyi əməliyyat nəticəsində o saxlanılıb. İlkin araşdırmalara əsasən cinayətin qısqanclıq zəmnində baş verdiyi bildirilir.
