Dünən səhər hakerlər Çex Respublikasının Baş naziri Boquslav Sobotkanın "Twitter" sosial şəbəkəsindəki profilinə hücum ediblər.
Aktual.az AZƏRTAC-a istinadən bildirir ki, Baş nazir Vrbetits rayonunda olmasına baxmayaraq, onun profilində qaçqınlara qarşı irqçilik məzmununda bir sıra müraciətlər peyda olub.
Sonra profildə ingilis dilində ksenofobiya yönümlü fikirlər yer almağa başlayıb. Bunlar Baş naziri xaricdə nüfuzdan salmalı idi. Hazırda Baş nazirin kabineti vəziyyəti yoluna qoymaqla məşğuldur. Hökumət administrasiyası yaxın günlərdə Baş nazirin profilinə müdaxilə faktı haqqında məhkəməyə müraciət edəcək.
