Maliyyə Bazarlarına Nəzarət Palatasının lisenziyasını ləğv etdiyi 4 kommersiya bankı - "Parabank", "Zaminbank", "Kredobank" və "Dekabank" ASC-lərdə kompensasiya olunacaq əmanətlərin ümumi yekun məbləği 110,714 mln. manat təşkil edib.
Aktual.az report-a istinadən bildirir ki, bu barədə Əmanətlərin Sığortalanması Fondunun (ADİF) açıqlamasında deyilir.
Xatırladaq ki, Fondun icraçı direktoru Azad Cavadov bir həftə öncə keçirdiyi mətbuat konfransında sözügedən rəqəmin 127 mln. manata yaxın olduğunu açıqlamışdı. Aparılan dəqiqləşdirmələrdən sonra isə kompensasiya olunacaq əmanətlərin ümumi məbləğinin 17 mln. manat az olduğu üzə çıxıb:
| Bank | Fiziki şəxslərin ümumi əmanətləri (mln. manat) | Qorunan əmanətlər (mln. manat) | Kompensasiya olunan əmanətlər (mln. manat) | Qorunan əmanətçilərin sayı | |
| 1 | "Parabank" | 87,619 | 61,949 | 43,788 | 18 970 |
| 2 | "Zaminbank" | 53,632 | 53,631 | 36,350 | 10 742 |
| 3 | "Kredobank" | 30,206 | 20,956 | 27,768 | 4 542 |
| 4 | "Dekabank" | 5,585 | 3,767 | 2,807 | 133 |
Qeyd edək ki, yaranmış fərqlə bağlı ADİF-in icraçı direktoru A.Cavadov bu gün rəsmi açıqlama verəcək.
