Bu gün Abşeron magistral qaz kəmərləri sahəsində aparılan cari təmir işləri ilə əlaqədar qaz verilməsində məhdudiyyətlər olacaq.
Aktual.az Trend-ə istinadən bildirir ki, avqustun 19-da saat 10:00-dan 18:00-dək "Qaz İxrac" İdarəsinin Abşeron magistral qaz kəmərləri sahəsinin "Qobu", "Müşviqabad", "Aşagı Güzdək" və "Pirikəşkül" qazpaylama stansiyalarında və bəzi ölçü qovşaqlarında cari təmir işləri aparılacaq. Təmir müddətində Abşeron rayonunun Qobu, Müşviqabad, Aşağı Güzdək, Ceyranbatan və Pirikəşkül qəsəbələrinin qaz təchizatında məhdudiyyətlər olacaq.
