İnspektorun sayıqlığı nəticəsinə YPX maşını ilə toqquşma baş verməyib
Hadisə dekabrın 10-da, saat 17:00 radələrində Hüseyn Cavid parkının arxasında - Dövlət Gömrük Komitəsinin qarşısında baş verib. Hadisənin baş verdiyi anlar Avtosfer.az-ın kamerasına tuş gəlib. Dövlət Yol Polisinə məxsus 99 YP 366 dövlət nömrə nişanlı avtomobil öz yolu ilə hərəkətdə olan zaman sol zolaqla hərəkət edən «Volkswagen-Touareg» markalı avtomobilin sürücüsü sükanı qəflətən sağa çəkib. Yol polisi avtomobilini idarə edən inspektorun sayıqlığı nəticəsinə YPX maşını ilə toqquşma baş verməyib. İnspektor sükanı sağa çəkərək qəzadan yayına bilib. Sol zolağa daxil olan «Touareg»in sürücüsünün qəflətən sağa getmək istəyi isə baş tutmayıb və o sola hərəkəti davam etdirib. Lakin Dövlət Yol Polisi əməkdaşları sürücünü saxlatdıraraq cərimə ediblər. Həmin görüntüləri təqdim edirik:
