Əmlak Məsələləri Dövlət Komitəsi (ƏMDK) yanvarın 5-də keçirilmiş hərracda satılan nəqliyyat vasitələrinin adlarını açıqlayıb.

Aktual.az Avtosfer.az-a istinadən xəbər verir ki, bu barədə ƏMDK-dan verilən məlumata görə, ötən həftə keçirilmiş hərracda cəmi 2 ədəd avtomobil satılıb. Belə ki, 2004-cü il istehsalı olan "VAZ-21213" 1343 manata, 2005-ci il istehsalı olan "Nissan Patrol" isə 7825 manata satılıb.
Qeyd edək ki, adıçəkilən avtomobillərin start qiyməti ilə satış qiyməti eyni olub.
Bakının avtomobil bazarında 2005-ci il istehsalı olan "Nissan Patrol"–un qiyməti nə az, nə çox düz, 12 000 dollar və ya 18 770 manatdır.