Bakının Neftçilər prospektinin Əziz Əliyev küçəsi ilə kəsişməsindən Azneft dairəsinə qədər olan hissəsinin iki zolağı təmirə bağlanıb.

Nəqliyyatı İntellektual İdarəetmə Mərkəzindən verilən məlumata görə, buna səbəb asfalt örtüyünün dəyişdirilməsidir. Yolda hərəkət qismən məhdudlaşdırılıb.

"Əziz Əliyev küçəsi isə yanvarın 21-dən sürücülərin istifadəsinə veriləcək", - deyə məlumatda qeyd edilib.