İctimai Televiziya və Radio Yayımları Şirkətinin(İTV) informasiya departamentinin böyük redaktoru Sərvər Bayramovun evinə basqın olub.

Aktual.az  bildirir ki, bu barədə APA-ya məlumat verən S.Bayramov deyib ki, təxminən saat 01 radələrində Binəqədi rayonu Sulutəpə qəsəbəsində olan evinin ikinci mərtəbəsində yatarkən birinci mərtəbədən səs-küy eşidərək aşağı enib. Bu zaman maskalı şəxslərin evi axtardığını görüb. Həmin şəxslər S.Bayramovu gördükdən sonra qaçıblar. 
 
Hadisə barəsində Binəqədi Rayon Polis İdarəsinə məlumat verilib. Binəqədi Rayon Polis İdarəsinin 40-cı Polis Bölməsindən APA-ya bildirilib ki, hazırda faktla bağlı araşdırma aparılır.