Yasamal rayon Polis İdarəsindən ANS PRESS-ə verilən məlumata görə, rayonun Qələbə dairəsi yaxınlığında qeydə alınan hadisə zamanı yolu keçmək istəyən iki nəfəri avtomobil vurub. Yaralılar elə yerindəcə dünyasını dəyişib. Onlardan biri qadın, digəri isə kişi olub. Meyitləri Təcili Tibbi Yardım maşını ilə Kliniki Tibbi Mərkəzə aparıblar. 

Mərkəzdən bildirdilər ki, hər iki şəxs tibbi ekpertizadan keçirilərək xəstəxanadan aparılıb.

Hazırda ölən şəxslərin kimliyinin müəyyən edilməsi istiqamətində işlər aparılır.

Faktla bağlı cinayət işi açılıb, araşdırmalar aparılır.