Biletlərin qiyməti 19 manatdan 620 manata kimi dəyişir
Bakıda keçiriləcək Formula-1 Avropa Qran-prisinin mərhələ yarışının biletlərinin qiymətləri açıqlanıb.
Aktual.az xəbər verir ki, apasport.az saytının məlumatına görə, gələn il iyunun 17-19-da olacaq yürüşü canlı izləmək üçün Azərbaycan vətəndaşlarına güzəştlər nəzərdə tutulub. Belə ki, xarici ölkə vətəndaşı Formula-1-ə ən yaxşı tribunadan baxmaq üçün 620 manat ödəyəcəyi halda, həmyerlilərimiz 495 manatından keçməli olacaq. Digər sektorlara isə qiymətlər yerlərindən asılı olaraq dəyişir. Yarış üçün ən ucuz biletlər isə 19 manatdı. Həmçinin, 95 manatlıq biletlərdə də güzəşt nəzərdə tutulmayıb.
| Kateqoriya | Sektor | Qiymət / AZN** | İmtiyazlı qiymət* / AZN |
| Abşeron tribunası / 3 gün | A | 620.00 | 495.00 |
| B | |||
| C aşağı | |||
| C yuxarı | |||
| D | |||
| E | |||
| İçərişəhər tribunası / 3 gün | 440.00 | 310.00 | |
| AzNeft tribunası / 3 gün | |||
| Muğam tribunası / 3 gün | 370.00 | 259.00 | |
| Sahil tribunası / 3 gün | |||
| Qız qalası tribunası / 3 gün | 305.00 | 199.00 | |
| Filarmoniya tribunası / 3 gün | |||
| Bulvar tribunası / 3 gün | 210.00 | 125.00 | |
| Xəzər tribunası / 3 gün | |||
| Ayaqüstü zona | 95.00 | 95.00 | |
| Ayaqüstü zona / yalnız cümə günü | 19.00 | 19.00 |
* İmtiyazlı qiymətlər yalnız Azərbaycan vətəndaşlarına və ölkəmizdə yaşayan əcnəbi və vətəndaşlığı olmayan şəxslərə şamil edilir. Bilet alışı zamanı, həmçinin yarış məkanına daxil olarkən müvafiq sənəd təqdim edilməlidi.
** Bu qiymətlər indikativ xarakter daşıyır və biletlərin cari satış qiymətləri ilə bakucitycircuit.com saytında tanış olmaq mümkündü. Bakı Şəhər Həlqəsi Əməliyyat Şirkəti cari bilet qiymətlərinə dəyişiklik etmək hüququna malikdi. Qiymət dəyişikliyi satılmış biletlərə şamil olunmayacaq.
