Bakıda inşa edilən otel dünyanın gələcək qeyri-adi doqquz oteli siyahısındadır.

Xəzər dənizi üzərində aypara şəklində ucalan otel Azərbaycan paytaxtının yeni memarlıq nümunələrindən olacaq.

Aktual.az xəbər verir ki, “Crescent” oteli dünyanın gələcək qeyri-adi doqquz oteli siyahısında yer alıb.

Layihəsi Cənubi Koreyanın “Heerim Architects & Planners” memarlıq firması tərəfindən hazırlanan 33 mərtəbəli “Crescent” oteli sahəsi 450,000 kv.m olan iri göydələn kompleksi “Crescent Bay”ın mərkəzi olacaq.

Bakıda kompleksin açılışı 2016-cı ilin sonuna planlaşdırılır.

Süni adada yerləşən oteli quruda yerləşən ticarət və əyləncə mərkəzləri (“Crescent City” və “Crescent Place”) ilə körpü birləşdirəcək.