Onun “ Azərenerji” ASC-nin sədri Etibar Pirverdiyevin  yaxın adamı olduğu da bildirilir. Mənbə qeyd edir ki , o “Azərişıq”-da yüksək post tutan məmurlardan birini də özünə himayəçi tutmağa nail olub. Binə , Sədərək və Meyvəli kimi iri ticarət obyektlərinə enerji satışındakı maxinasiyalardan külli miqdarda  vəsait əldə etməsi isə xüsusilə vurğulanır.

 

Bu vəsaitin müəyyən hissəsinin öz himayədarlarının bığlarını yağlamağa  sərf edən Canəhməd Əhmədovun  əyləşdiyi kreslosunu  daha da  möhkəmləndirdiyi iddia olunur. Əks halda onun bu vəzifədə qalması çox möcüzəli görünərdi. Əyləşdiyi kresloda saqqız çeynəyərək  abonentləri təhqiramiz ifadələrlə  qarşılamaq, artıq onda vərdiş halını alıb.

 

 

Mənbə bildirir ki, C.Əhmədovun doğulduğu Qusar rayonunda bir neçə obyekti var ki,”KARVAN” motel-restoran şəbəkəsi də bunlardan biridir. Yerli sakinlərin dediyinə görə bu obyekt təyinatı üzrə deyil, priton kimi də fəaliyyət göstərir. 

 

C.Əhmədovun eyni zamanda Bakıda da bir neçə mulkə sahib olduğu bildirilir. Özünü və bütün ailə üzvülərini  bahalı maşınlarla təmin edən məmurun aylıq məvaciblə bütün bunlara nail olması absurddur. Aidiyatı qurumların məsələyə müdaxiləsi vacibdir. (yenimeydan.info)