Bu barədə "Azəriqaz” İstehsalat Birliyinin (İB) ictimaiyyətlə əlaqələr şöbəsindən məlumat verilib. Bildirilib ki, İB istehlakçıların fasiləsiz və keyfiyyətli təbii qazla təmin olunması, yaşayış məntəqələrinin qazlaşdırılması istiqamətində fəaliyyətini cari ildə də davam etdirir. Yanvar-mart ayları ərzində İB-də əhali sektoru üzrə 27 min 554 yeni abonent qeydiyyata alınıb ki, bunun da 12 min 570-i Bakı, Abşeron və Sumqayıtın, 14 min 984-ü isə regionların payına düşür.

Aprelin 1-nə olan məlumata görə, qeyri-əhali sektoru üzrə 422 məscid və dini məbədə təbii qazdan istifadə üçün limit ayrılıb.