"Azercell" şirkəti cəbhə xətti boyunca döyüşlər gedən ərazilərdə - Füzuli, Ağdam və Tərtərdə olan abunəçilərinə şəbəkə daxili 60 dəqiqə pulsuz danışıq hədiyyə edir.
Mobil operatordan verilən məlumata görə, abunəçilər hədiyyə dəqiqələrindən 1 ay ərzində istifadə edə bilərlər. 2 aprel 2016-cı il tarixindən "Azercell"in texniki qrupu cəbhə bölgəsində kəsintisiz rabitəni təmin etmək üçün gərgin iş rejimində çalışır. Şirkətin hal-hazırda cəbhə xəttinə yaxın 70 stansiyası var. Onların 35%-dən çoxu avtonom rejimdə çalışan generatorlarla təchiz edilib. "Azercell"in işçi qrupu tam həcmli xidmət göstərmək məqsədilə cəbhə xətti boyunca və ətraf ərazilərdə 3G şəbəkəsinin əhatə dairəsinin genişləndirilməsi üzərində çalışır.
