Azərbaycanı "Bakı 2015" I Avropa Oyunlarında təmsil edən qadın güləşçi Mariya Stadnik 48 kq çəki dərəcəsində finala vəsiqə qazanıb. "Report"un məlumatına görə, o, yarımfinalda polşalı İvona Matkovskanı 8:2 hesabı ilə məğlub edib.
Natalya Sinişin isə 55 kq çəki dərəcəsində yarımfinal mərhələsində məğlub olub. O, isveçli Sofiya Mattssona məğlub olub - 5:6. N.Sinişin bürünc medal uğrunda mübarizə aparacaq. 55 kq çəkidə qızıl medal uğrunda polşalı Katarzina Kravczik və S.Mattsson qarşılaşacaq.
saat 11:45
Bakı. 15 iyun. REPORT.AZ/ "Bakı 2015" I Avropa Oyunlarında qadın güləşi üzrə 48 kq çəkidə çıxış edən Azərbaycan təmsilçisi Mariya Stadnik yarımfinal mərhələsinə yüksəlib. "Report"un məlumatına görə, o, 1/4 finalda fransalı Julie Sabatieni 11:0 hesabı ilə məğlub edib.
Onun yarımfinaldakı rəqibi İvona Matkovska olacaq.
saat 11:17
Bakı. 15 iyun. REPORT.AZ/ Azərbaycanı təmsil edən Natalya Sinişin "Bakı 2015" I Avropa Oyunlarında 55 kq çəkidə yarımfinala yüksəlib. "Report"un məlumatına görə, o 1/4 finalda türkiyəli Bediha Gündən üstün olub - 12:0.
Nadiya Muşka isə 69 kq çəkidə rusiyalı Natalya Vorobyovaya 0:7 hesabı ilə məğlub olub.
saat 10:59
Bakı. 15 iyun. REPORT.AZ/ Azərbaycanı qadın güləşində təmsil edən Natalya Sinişin 1/4 finala yüksəlib. "Report"un məlumatına görə, 55 kq-da mübarizə aparan pəhləvan italiyalı Patrisia Liuzzi üzərində inamlı qələbə qazanıb - 10:0.
N.Sinişin 1/4 finalda türkiyəli Bediha Günlə üz-üzə gələcək. Qadın güləşçilərin görüşünə saat 11:10-da start veriləcək.
saat 10:38
Azərbaycanın qadın güləşçisi Mariya Stadnik "Bakı 2015" I Avropa Oyunlarında 1/4 finala yüksəlib. "Report"un məlumatına görə, o, 48 kq çəkidə portuqaliyalı Liliana Koşta Dos Santosu 12:2 hesabı ilə məğlub edib.
M.Stadnikin 1/4 finaldakı rəqibi fransalı Julie Sabatie olacaq. Qadın pəhləvanlar saat 11:03-də döşək üzərinə çıxacaqlar.
saat 10:25
Bakı. 15 iyun. REPORT.AZ/ 60 kq çəkidə qadın güləşində Azərbaycanı təmsil edən Yuliya Ratkeviç bolqarıstanlı Taybe Yuseinə 1:4 hesabı ilə məğlub olub.
saat 10:14
Bakı. 15 iyun. REPORT.AZ/ Bu gün "Bakı 2015" I Avropa Oyunlarında qadın güləşçilər mübarizəyə qoşulur. "Report"un məlumatına görə, Oyunların 4-cü günündə qadın güləşi yarışında 4 çəki dərəcəsində medallar təqdim ediləcək.
İlk olaraq 55 kq çəkidə Azərbaycan təmsilçisi Natalya Sinişin 1/8 finalda italiyalı Patrisia Luissi ilə üz-üzə gələcək. Görüş saat 10:00-da start götürüb. 60 kq-da isə Yuliya Ratkeviç qüvvəsini sınayacaq. Saat 10:14-də başlayan yarışda Ratkeviçin rəqibi bolqarıstanlı Taybe Yusein olacaq. Bundan 7 dəqiqə sonra Mariya Stadnik 48 kq-da portuqaliyalı Liliana Koşta dos Santosu məğlub etməyə çalışacaq. Digər Azərbaycan təmsilçisi Nadiya Muşka 69 kq çəki dərəcəsində rusiyalı pəhləvan Nataliya Vorobeva ilə döşək üzərinə çıxacaq.
Aktual.az
